環島宜蘭花蓮篇 - D05. 天氣好轉, 昇仔大壞車, 夜闖蘇花公路!

重新上好馬鞍袋. 9點多正式出發!



 

又要上山了... 好累...


好累呀.... 踩幾米, 又停一停....




 

昇仔咩事停低?
原來比D樹枝卡住了條呔! 搞到個轉速器移位!!!
好彩搞得掂, 不過還是唔順, 上落波段時有點卡住卡住, 頂住先啦, 繼續踩吧.


此時阿綿同Marco已經走到老遠, 過緊 新澳隧道.


半小時後, 到我同昇仔先到隧道......


咩事? 又停低? 個轉速器又移位!!! 今次好似好嚴重, 隧道太暗, 還是堆返出去再睇檢查吧!


無奈的昇仔又出返來.....


嘩!! 無眼睇!! 今次推都推唔到,
打電話比阿綿, 原來過埋隧道就是一直下坡的路, 他們二人在 南澳 7-11等緊我同昇仔...
現在架車的情況是非換零件不可....
無論如何, 還是先到 南澳 會合他們, 現在位置完全做不到什麼!


有環島人士經過, 過來關心一下我們, 我同昇仔的國語爛過舊屎~~
自己都唔知自己說什麼!


架車跟本推唔到, 不找便車不可.
第一次揮手找便車, 有架車的司機又揮手回應.....
更叫我們加油!!!! (加油找便車?)
以為我們問候他們........ 真係笑爆!
第二次揮手, 終於有車走過來問問我們什麼事.
當然, 佢都知道我們是搭便車的, 不過見佢地兩個個樣兇神惡煞,
又問我們要不要煙....真的以為他們另有企圖......


就這樣, 去 南澳 的六公里下坡路就省回了.... (其中一公里是隧道)



坐車本來就是爽!!
開心, 無奈, 對將來十分迷糊的昇仔, 黎緊點算好呢???


去到 南澳, 司機問我o地去唔去 花蓮 先落車, 因為他們會開車到 花蓮.
雖然 花蓮 會有單車鋪整車, 但我們會錯過了 蘇花公路, 太魯閣~ 而且又要分開我們四人,
所以我們還是要下車, 會合大家再自己作打算吧!
真的太感謝他們了!!!


到7-11會合阿綿 Marco, 真係無眼睇... 移開少少變速器, 至少可以推得到架車.

翻整一下Giant在 台灣 的分店地址電話,
一間一間打去問, 附近的分店大部份都沒有"變速器"的零件,
因為很少機會壞到, 就算有都沒有我們的24波段,
唯一有的就是在 台東... 但... 太遠了, 如果以原定踩單車的進度, 至少要三整天....


呢個時候, 有環島經過的人來幫我們, 將阿昇架車的轉速器拆掉,
變成"單速"車, 波段改成前2後4....


路上太多的幫忙了, 辛苦晒, 佢同佢女朋友幫我們維修, 但我們卻幫不上忙...
整車時愈來愈多的車友來看看我們發生了什麼事~
他們說, 我們來緊的路很難走, 和危險, 當然啦, 蘇花公路哦!


找遍整個 南澳 都沒有單車店, 大家都十分迷茫.
去火車站看看託運單車如何, 可以的話就拿車過去 台東 維修.
但時間夾唔到, 只好放棄.


食個Lunch再諗諗, 已經2點了


最後決定, 照頂住先, 忍到下一個大站, 花蓮, 再作打算,
辛苦昇仔了, 前2後4波, 上坡無力, 下坡/平路踩唔快... 哈哈!!


一直是上坡, 累得很, 決定將昇仔的馬鞍袋拆掉, 讓他空車上路吧,
我們三人加多一件行李.... 我架車重上加重了......


途中借洗手間一用, 發現紙巾盒上有營養標示...
每人每日面紙攝取量是0哦!!!


去完洗手間, 準備下坡了! 司機揮手說加油哦!!


果然車多路窄, 過去對面線影張相都要睇清楚有無車~


仲要又多彎, 而且又有落石!
前排打過風, 都唔見條路爛得去邊, 好彩!


回望, 如果天色好的話, 一定很靚!


撞我就會死!

 

遠處那支野就是 和平電廠 的煙囪了.


下坡了, 前面有一個大人帶一個小朋友踩單車, 沿途都可見,
應該是什麼的活動, 真強, 那麼細(不到十歲)就走那麼危險的路,
香港 的家長太保護自己的小朋友了, 將來大過唔知點算.


衝呀衝!! 我, 綿, 昇仔三個一起踩, 卻不見Marco, 他應該走到很前了~~~




 

5點了, 距離可以留宿的地方還有一段長時間...


單速車, 只有2x4, 車軸都彎左, 下坡都要踩.... 唉........



出了隧道, 呢個位咁空曠, 應該等一等人吧, 但不見Marco等我們, 難度他又在我們後面?!?!?!


開始見肚餓!! 比人偷野食!!!


呢張相是Marco影的, 原來他已經在我們前面7.5km老遠處!!! 正準備穿過 和平隧道.


都是Marco拍的. 去到上圖的洞了.


這時我們三人才準備入 和平隧道....


被黑暗吞噬. 頭燈無電, 走到黑暗處真嚇人!

 

 


又是隧道, 和仁隧道.


"邊溝上面 禁行自行車",
踩上面的難度都很高哦!!!


睇返相, 原來和Marco已經相差半個多小時的車程!

 


終於來到 太魯閣國家公園 "範圍"了!!
這裡有營地可以在那裡過夜, 但我們又同Marco走散了><


沒法, 拍完張留念又要趕路了, 就快7點!!!


真的要天黑了!!!! OH NO!!
最大問題是我們照明工具電力不足!!


又是隧道, 真救命. 錦文隧道.


再來一條! 匯德隧道.... 差不多1.5km長..


完全黑暗的世界!!! 又是隧道的時候, 祟德隧道.
究竟幾時先到有人類生存的地方.....
黑暗的世界裡, 車頭燈唔夠電, 只照到地上小小一個圈....
最想就是快點有車駛過來照明.
但晚上真的太少車了>< 下坡的時候, 經常轉彎,
這時MP3 random播放了 鄭伊健 的"極速"!!
真是很貼切!! 頭搖又尾擺~~ 飄移境界~~


出完隧道, 終於有街燈, 不行了, 已經差不多八點了, 很累了! 一定要找地方過夜!
但沒有地方住, 要走多一段路, 到一個叫 新城 的地方才有住宿, 沒法, 繼續向前!
重返有人類的地方, 心情都放鬆了!


去到 新城鄉, 一個小市鎮, 重見7-11, 有回家的感覺^^
找到地方落腳後, 用台灣電話打"長途電話"比Marco(他仲用緊香港卡...)
叫佢轉用昇仔張台灣電話卡, 再約地方會合, 食個晚餐吧!
Marco一早來到, 自己找了地方落腳, 所以今晚又要分開住了~
這裡很近 太魯閣國家公園, 明天可以全天留在 新城 上去玩!
後天再繼續路程去 花蓮市!


我, 綿, 昇仔的房間.
今天行程真豐富! 又壞車, 坐便車, 不停的隧道! 累到貼地!


Marco的房間.
他跟民宿的老闆話明天我們三人會搬過去他地方住, 希望可以計平點~
之後Marco叫我們明天搬過去住, 但我們三個要搬野過去.....
更說他看過我們樓下的大堂, 估計他住的地方會比我們好~
好吧~ 明天搬過去Marco的地方吧~



日期: 08年7月19日 (六)
是日路線: 東澳 > 南澳 > 和平 > 祟德 > 新城
是日里程數(大約): 67km
總里程數(大約): 276km