民宿有Lan頭上網真係開心.
幫朋友上網訂GPS, 點知唔記得信用卡保安密碼, 搞到要打長途返 香港 再啟動過.....
有咁舒服的民宿搞到遲遲都唔起身.
今日目的地去 高雄市 預計都差不多近100km,
所以條呔經常無氣的Marco出發前還是索性換呔.
踩了十多天, 對手痺晒. 發覺原來有對手套會好點, 所以大家立即去買返對!
heahea下, 成12點先正式出發, 暫時都仲好天~
遇上另一隊年輕的環島勇士! 加油!! 開始落雨了......
唉~ 大雨到呢~~~~~ 馬鞍袋又唔係防水... D野又濕晒.....
所以好憎落雨, 今晚找了地方落腳又要拿晒D野出來吹......
睇唔到路, 彈到成身都係泥! 找個油站避一避雨先!
今天大家買的手套, 有手套真係好好多, 無咁痺.
不過買得太遲啦, 始終都仲痺~
有段時間真係連前路都睇唔到, D雨又打埋隻眼度, 開都開唔到, 真係帶泳鏡都得呀!
凍到打冷震~_~ 之前又熱到死, 而家見到7-11都唔想入去, 一停就凍!
進德大橋
雙園大橋, 準備進入 高雄 了, 遠處一埋工業區正等待我們.
橋下的 高屏溪, 是 高雄 同 屏東 的分界, 可能人口多和附近工業區關係條溪污染都幾嚴重.
找間地方停下來, 今天好像很久都沒有真正休息過, 成架車都係泥~_~
見到捷運站呀!! 高雄捷運 小港站!
即是來到 高雄市 了!!
獨個兒的環島勇士! 加油!!
成日無食過野, 臨尾好似為了食物而踩的! 見到有KFC變得瘋狂!
找了另一家打邊爐. 不過呢個時候, 又未找到地方落腳, 成身又係泥, 無咁好心情打住.
最後去了間食羊的店子, 叫個沙茶羊肉燴飯.
食完出去, 嗶! 風雲變色, 成個天又黃又紅, 世界末日?!
是颱風鳳凰的來臨, 唔知今次又搞成 台灣 點樣呢........
路過 高雄小港國際機場 啦!
來到城市, 人多車多機車更多, 條條馬路都要跟大隊停一停, 搞到又慢又費力.
好辛苦找了間旅館落腳, 阿綿想清靜一下先在旅館沖個涼.
我, 昇, Marco三人自己先落去行行~
得到老闆娘的介紹來到了 新崛江夜市.
聽到老闆娘話開去 澎湖 的船都取消了十分失望,
但如果打風都照去, 什麼都做不到會更失望.
倒不如踩到下一個站 嘉義市 再作打算吧, 反正果度都有船去.
大家都不想去不到 澎湖 的, 只是想有一個合適的天氣去玩吧!
D魚蛋配埋D自選調味粉真是蠻有意思的!
另一方面阿綿自己一個去了 六合夜市, 又是另一個食之旅.
Yummy!!
計算一下, 原來今日hea到十二點先出發都踩了近百公里, 有點意想不到.
落雨真是有落雨的好! 不過就會錯過晒想停留的地方~
明天我們將會全日留在 高雄市 hea哦~
日期: 08年7月26日 (六)
是日路線: 恆春 > 車城 > 楓港 > 枋寮 > 大鵬灣 > 東港 > 小港 > 高雄市
是日里程數(大約): 96km
總里程數(大約): 824km
(因各人路線不同, 上面的路線和行程里程數為Paul之資料)
